إتباع نظام غذائي صحي بيساعد على التركيز وتحسين الذاكرة.
مقولة جميلة “ العقل السليم في الجسم السليم” لما تأكل الأكل الصحي هيساعدك في التقليل من الإجهاد والإرهاق والتعامل
مع الضغوط وكمان بيحافظ على صحة المخ (صحة الدماغ)، ومتنساش كمان إن التمرينات دورها مهم عشان يكون عندك طاقة واللي بدورها هتساعدك على التركيز.
في المقال ده، هنقولك على 9 من أفضل الأطعمة والمشروبات اللي هتساعدك على التركيز وتحسين الذاكرة.
إيه علاقة الأكل بالتركيز؟
تخيل معايا لو شخص جعان جدًا، هل ممكن يركز بطريقة كويسة؟ معتقدش، لأن الجوع هيتسبب في صداع وتعب وإجهاد.
ولما يجي وقت السناك أو وقت أكل وجبة كاملة، فإختيار الأكل اللي هيساعدك على التركيز حاجة أساسية ومهمة.
الأكل هو الوقود للجسم، تخيل أن الجسم زي العربية، العربية هتحتاج وقود (بنزين) علشان تمشي وتتحرك بكفاءة.
لو عربيتك خلص منها البنزين (أو لما تكون جعان جدًا)، ضروري تملاها وقود علشان تكمل، وكل ما يكون نوع الوقود
كويس، كل ما هيكون الأداء أفضل.
لما تأكل أكل صحي صحيح مناسب لجسمك ولتركيزك فأنت بتحافظ على صحتك العقلية كمان مش بس صحتك الجسدية.
- الشاي الأخضر
الشاي الأخضر فيه كافيين و ل ـ ثيانين L-theanine. بيساعدك على اليقظة والتركيز. - القهوة
القهوة بتساعد على اليقظة والتركيز - البيض
البيض يحتوي على كولين (Choline) وده عنصر غذائي بيقلل من الإلتهابات، وكمان البيض فيه تربتوفان (Tryptophan) اللي بيساعد الجسم على انتاج سيروتونين (Serotonin) اللي معروف عنه إنه بيحسن المزاج (Mood). - المكسرات
المكسرات اللي بتحتوي على نسب عالية من أوميجا 3 (Omega 3) اللي مهمة جدًا لصحة المخ (العقل)، فالمكسرات فيها نحاس ومنجنيز وسيلينيوم، ودي عناصر غذائية مهمة وأساسية. - بذور اليقطين
بذور اليقطين فيها زنك وده عنصر غذائي بيساعد الجهاز المناعي، ده سناك جميل وسريع بيحسن الذاكرة والتركيز ومهارات التفكير. ممكن تضيف بذور اليقطين على السلطة أو عصير أو وجبة شوفان باللبن. - خضراوات ورقية خضراء
خضراوات ورقية خضراء زي الخس والكيل والبروكلي والسبانخ، فمثلًا ممكن تعمل سلطة جميلة بالخضراوات الورقية الخضراء مع قطع الفراخ المشوية وبذور اليقطين والأفوكادو (هيكون اختيار جميل لوجبة غذاء). الخضراوات الورقية الخضراء غنية بفيتامين ك (Vitamin K) و لوتين (Lutein) وفيلو كينون (Phylloquinone) ونترات (Nitrate). فالخضراوات الورقية الخضراء تساعد على الصحة العقلية وإن ميحصلش أمراض عقلية أو مرض الزهايمر (Alzheimer). - الطماطم
الطماطم تحتوي على مضاد أكسدة اسمه الليكوبين (Lycopene) وتحتوي على فيتامين أ (Vitamin A) وفيتامين ج (Vitamin C). ممكن اضافة الطماطم على السلطة أو كسناك. وافتكر تأكل الطماطم كاملة بالقشرة اللي حواليها عشان ده المكان الأساسي للعناصر الغذائية. - الشوكولاتة الداكنة
الشوكولاتة الداكنة بتحسن التركيز عشان فيها كافيين وزي ما أحنا عارفين أنه بينبه ويحسن التركيز. - الأسماك الدهنية
الأسماك الدهنية زي السالمون والتونة والمكريل من أفضل الأطعمة اللي بتحسن التركيز. فالأسماك الدهنية فيها أوميجا 3 (Omega 3) و DHA، رائعين لتحسين التركيز والذاكرة. من الضروري أنك تأكل مرتين في الأسبوع من الأسماك الدهنية.
طبعًا كل الأطعمة والمشروبات اللي اتكلمنا عنها مينفعش نأكلها أو نشربها كتير، فالإعتدال مهم، وآخر حاجة أحب اضيفها إن بالإضافة للأطعمة والمشروبات اللي اتكلمنا عنها ممكن تختار وتدور على الأطعمة الغنية بمضادات الأكسدة، والدهون الصحية، والمغنسيوم، والأوميجا 3 (Omega 3) و فيتامين ب 6 (Vitamin B6) و فيتامين ب 12 (Vitamin B12) وفيتامين ج ، هـ ، وفوليك أسيد (Vitamin C & E & Folic Acid) كل دول بيساعدوا في تحسين التركيز والذاكرة.