كلنا عارفين أد ايه ممارسة التمرينات ممكن تساعد في خسارة الوزن الزيادة عن حاجة الجسم وفي شد عضلات الجسم، لكن تعرفوا كمان إن التمرينات بتساعد الشخص يكون منتبه وبتحسن التركيز؟
التمرينات بتزود تدفق الدم للمخ.
لما بنتمرن، الجسم بيتخلص من السموم وكمان بيوصل الأكسجين لأجزاء الجسم المختلفة. ده معناه إن عناصر غذائية أكتر بتكون متاحة لخلايا الجسم المختلفة وبالتالي بتحسن جدًا (cognitive function) يعني بتحسن الذاكرة والانتباه والتركيز واتخاذ القرارات والتفكير والإبداع، وده طبعًا مهم جدًا والشخص بيعمل المهام المطلوبة منه في الشغل أو وقت المذاكرة.
وفي النهاية ضروري نوضح أهمية الاهتمام بأسلوب حياة صحي وناكل أكل صحي متوازن مع ممارسة الرياضة.
الاتنين بيمشوا مع بعض (الأكل الصحي المتوازن وممارسة الرياضة) تركيزك هيكون أحسن وهيكون عندك طاقة وحيوية للاستمتاع بيومك، دمتم في صحة وسلام.